雅虎行政總裁（CEO）邁耶真係夠晒「哈佬喂」，有報道話佢早前買咗個有114年歷史嘅美式殯儀館，呢單料喺正萬聖節流出，相當應景！
美劇《六呎風雲》講一個家庭經營殯儀館見到嘅人生百態，邁耶買嘅殯儀館應該類似呢套劇集所講嗰種，佔地1.2公頃，由一個家庭持有，仲喺邁耶屋企附近。有人估計邁耶想進軍殯儀業，亦有人估佢想學facebook行政總裁朱克伯格，買晒屋企附近嘅物業，阻止地產商發展。
事實上，佢買呢幅地，舊年曾被重新規劃，可以興建住宅以滿足政府建屋需求，邁耶似乎想先下手為強，唔想屋企附近有其他人騷擾佢。不過又有人話，麻煩人其實係邁耶，因為佢成日搞派對，嘈到鄰居。
足本收睇《亂噏24》x 鄭中基谷德昭；跟住有新紥師妹楊千嬅駕到！
周一至周五《亂噏24》約定你： http://bit.ly/appletalk24