一講澳門手信，通常會諗起蔡瀾，遲吓「樂壇校長」譚詠麟（亞倫）都關事。喺澳門經營茶餐廳、日式食肆同火鍋店嘅佳景集團（703），今年8月買入澳門英記餅家嘅商標，噚日宣佈搵到譚詠麟做五年代言人。
佳景除咗向譚詠麟支付表演費用之外，仲畀佢500萬股購股權，每股作價3.07元，較噚日收市價有2.68%溢價。作價3.07元咁啱係公司編號調轉，唔通專登咁定價？
佳景收購英記餅家之後，一直有計劃明年開始推出新產品，兼且推出全新推廣活動，譚詠麟嘅知名度毋庸置疑，但係能否刺激產品銷量同埋公司股價，真係要拭目以待。公司畀得購股權佢，佢都應該好想行使賺一筆嘅，唔知佢會唔會整番首澳門手信歌？
足本收睇《亂噏24》x 鄭中基谷德昭；跟住有新紥師妹楊千嬅駕到！
周一至周五《亂噏24》約定你： http://bit.ly/appletalk24