美劇《花邊教主》女主角碧琪麗芙莉(Blake Lively)，唔止喺劇中扮富家女。現實中都係，仲要係升級敗家版添。
有外國傳媒報道教主平時勁大洗，最愛買名牌。綠燈俠老公賴恩雷諾士(Ryan Reynolds)為咗唔俾佢亂洗錢，狠心cut咗佢張信用卡，搞到教主係紐約碌卡嗰陣，慘被彈卡，幾冇face呀。
其實佢哋兩公婆家庭背景已經差好遠。一個出生喺富裕家庭，另一個就係辛勤工作嘅中產。加上兩人喺未足夠了解對方嘅情況下結婚，有傳婚後問題逐漸浮現。綠燈俠成日想老婆慳啲洗，點知老婆聽極都唔入耳。咁搞落去，婚姻分分鐘會亮紅燈呀。
足本收睇《亂噏24》x 鄭中基谷德昭；跟住有新紥師妹楊千嬅駕到！
周一至周五《亂噏24》約定你： http://bit.ly/appletalk24