慘被DaDa閃退拖累的電影《喜愛夜蒲3》導演錢國偉，昨日在電話中揶揄似做戲，他有點勞氣說：「我對DaDa冇乜感覺，反而覺得施念慈誠信有問題，前兩日佢先同我講，話俾人屈（DaDa復出），如果DaDa真係返嚟都雪佢幾年，𠵱家睇落唔多似，原來成件事都係一場戲啫。」他認為DaDa復出是好事：「原來DaDa只係身體唔舒服，我都安樂啲，證明唔係我逼佢做啲乜嘢，只係扭計，玩少女脾氣。但我怕鼓吹呢個風氣，原來扭計可以揀戲拍同違反合約精神。」
下月夥杜汶澤開戲
錢國偉表示當初是DaDa向監製伍健雄自薦拍《夜蒲3》，突然「唔撈」令劇組進度大受影響，可要求賠償？他說：「電影公司損失大啲，我只係精神上操勞。」將來會否再找DaDa合作？他說：「睇佢之後做法啦！」
據悉DaDa將於下月復工，頭炮與杜汶澤合拍一部IIB級笑片，阿澤昨在電話回覆：「如果佢決定復出都要做好心理同生理上準備，好似要減肥，萬一佢再想退出，都要早啲話我知。」
足本收睇《亂噏24》x 鄭中基谷德昭；跟住有新紥師妹楊千嬅駕到！
周一至周五《亂噏24》約定你： http://bit.ly/appletalk24