一年一度嘅美酒佳餚巡禮噚日起一連四日移師中環新海濱舉行，財爺鬍鬚曾、商務及經濟發展局局長蘇錦樑同旅發局主席林建岳噚晚除咗出席開幕禮，亦喺場內四處試食試酒。財爺與蘇錦樑置身發牌風波，昨夜卻只顧吃喝不談政事，試完紅酒又食鮑魚，其中以鬍鬚曾最雀躍，爭住添酒再encore，但未到腳步浮浮已經返會場參與晚宴，外界冇緣見到佢紅粉緋緋嘅醉酒look。現場幾熱鬧㗎，尊尚區有支1966年瑪歌酒莊紅酒，賣3,800蚊，有人認為似乎價錢偏低，酒莊負責人話66年唔算好年份，平過80年代出產嘅酒唔出奇。
岳少噚日仲宴請傳媒高層午宴，席間出動私伙靚酒，包括市價至少二千幾蚊嘅2005年Chateau La Conseillante，其他靚酒仲有平民化得嚟又好易入口嘅2009年Bass Phillip Premium Chardonnay。
足本收睇《亂噏24》x 鄭中基谷德昭；跟住有新紥師妹楊千嬅駕到！
周一至周五《亂噏24》約定你： http://bit.ly/appletalk24