成日聽見有人話好難請到啱心水嘅菲傭，數碼通（315）CEO黎大鈞可能身同感受，又見普通電訊服務生意難做，度條好橋幫人兼搵錢，即日推出一個新App，利用現有800名菲傭姐姐嘅資料，撮合僱主同菲傭。
計劃好簡單，僱主每月畀398元數記，數記會幫佢篩選適合嘅姐姐，等僱主自行聯絡姐姐，雙方成功聯繫，數記就算提供一次服務，僱主喺45日內可享用20次服務。僱傭雙方情投意合，可自訂合約或透過數記特約嘅僱傭公司代辦。姐姐想將個人資料上載數記嘅資料庫，就要每月畀150元。姐姐月薪4,000元，150元唔算細數，黎大鈞就話，姐姐想搵工，要趁放假專登搭車去僱傭中心先得，佢仲大大聲咁話：「我同佢哋慳緊錢呀，諗吓啦！」
足本收睇《亂噏24》x 鄭中基谷德昭；跟住有新紥師妹楊千嬅駕到！
周一至周五《亂噏24》約定你： http://bit.ly/appletalk24