《警訊》喺今個月加入一男一女新主持，最新一期《警聲》為佢哋「大起底」。原來登場新女係警員甄淑賢（Bonnie），原本做秘書，六年前由文轉武加入警隊，先後駐守柴灣同跑馬地軍裝巡邏小隊，亦曾經喺報案室工作。Bonnie閒時愛畫畫同彈結他，公餘時會參加教會活動。
男主持就係督察劉家業（Keith），加入警隊前仲喺有線電視做過兩年新聞主播。五年前加入警隊，駐守過軍裝巡邏隊同刑事調查隊，三年前加入公共關係科，負責《警訊》拍攝安排同資料搜集。鏡頭前斯斯文文嘅佢其實愛好運動，仲練咗柔道14年，試過喺大賽攞獎㖭。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange