唔知大家仲記唔記得，6年前（2007年）噚日恒指差啲見三萬二，創歷史高位，可惜之後中央叫停港股直通車，港股急插，翌年又因美國次按問題引發金融海嘯，港股近年都係浮浮沉沉。
買貝爾斯登手尾多
當年負責救火嘅美國前財長保爾森近日接受CNBC訪問時講出心底話，話好在摩根大通CEO戴蒙預計唔到買入貝爾斯登（Bear Stearns）之後有手尾執，2008年初落實收購，佢先可以撲少一個火頭，否則金融災難一觸即發。佢又重申，對摩通收購貝爾斯登嘅細節同條款毫不知情。
保爾森畀高帽戴蒙都冇用，戴蒙本月初就公開狂呻，話好後悔當年買入瀕臨倒閉嘅貝爾斯登。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange