【中環】梁朝偉近日暫時完成手上工作，要到下個月至會同傳過緋聞嘅張曼玉一齊擔任台灣金馬獎頒獎禮嘅嘉賓。偉仔閒時都會約吓好友吳廷燁行街，不過上星期佢就丟低老婆劉嘉玲同「閨蜜」，自己一個人去咗中環ifc嘅city'super入貨，佢行咗足足半個鐘買咗成車嘢，當中有唔少零食。偉仔畀錢後去櫃位搞送貨安排，跟住一個人繼續行去連卡佛百貨濕平。
採訪、攝影：陳辰
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！