報告王:轉型成功巨騰快破頂 - 瑪姬兒

報告王:轉型成功巨騰快破頂 - 瑪姬兒

蘋果剛公佈業績,iPhone都尚算賣得唔錯,不過iPhone5s同iPhone5c究竟賣成點,就未有確實數字。
老老實實,iPhone5s就話有「土豪金」吸引強國人搶,但iPhone5c竟然行回頭路,由金屬殼變咗膠殼,仲要賣到咁貴,真係諗唔到點解要買囉。
一間公司睇啱時勢轉型,呢啲先叫做「醒」,好似巨騰(3336)咁,原本專門製造膠殼,但見到不論smartphone定係平板電腦,都已經興用金屬殼,就決定轉去拓展金屬殼市場。

大和叫買 睇6.3元

大和就首予巨騰「買入」評級,目標價6.3元。
最新報告指,巨騰轉攻金屬殼,毛利率達到25%至30%,好過以往膠殼只得13%至15%,有助推高盈利增長。
預計金屬殼佔今年銷售26%,出年就增加到31%,客仔包括:DELL、HP、Lenovo、Microsoft等。
另外,該公司率先打入複合材料外殼的市場,預計今年佔總銷售額可以升至16%,遠高於去年的2%,長遠睇好!
其實除咗大和外,瑞銀喺9月尾已經首次叫買,之後麥格理又接力睇好,仲話上望7.5元。
幾間大行齊出報告推高,巨騰終於喺10月頭成功衝破橫行區,由約4.3元水平一路升到昨收5.43元,短短一個月爆升逾26%,昨日單日亦升近4%。近日成交依然配合下,睇嚟破頂在望!

瑪姬兒

鄭中基@谷德昭搞笑孖寶再發功,笑彈繼續嚟!
周一至周五《亂噏24》約定你: http://bit.ly/appletalk24