【中環】何家淑女的感情生活一向是城中焦點，年初曾上演迷銅記的四房長女超盈，最近經常跟林建岳女兒林愛兒出雙入對，繼早前二人暴走蘭桂坊街頭避記者之後，日前二人又跟大班朋友扮鬼扮馬開萬聖節派對。有人將派對相放上Instagram，一身黑色閃燈如電影《電子世界爭霸戰》（Tron）角色造型的愛兒，更冧爆挨落超盈心口，認真sweet爆！
施調虎離山計
然而，這邊廂超盈跟愛兒一起，那邊廂她前日卻跟一個猛男在中環行街濕平，左右逢源！超盈發現記者影相時，還表現驚青地跟猛男彈開，各自速逃，莫非超盈怕跟猛男逛街一事曝光，會惹愛兒不高興？
前日下午5時許，超盈於中環置地廣場的Valentino不停試衫，身邊還有一位着白色衫的男士，超盈先後試了幾件大褸，該男也有給予意見。不過，超盈很快便發現記者，然後顯得不知所措，最後她用調虎離山計引開記者，好讓同行的猛男甩身離開，二人如此避忌，更有此地無銀之感。問超盈是否與猛男拍拖？她即尷尬地說：「嗰個唔係男朋友。」為何不一起離開？超盈說：「朋友唔想上鏡，如果拍拖都唔嚟Landmark啦！」說罷即閃入另一店舖避記者。
採訪、攝影：黃曉程、譚倩宜
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！