近年港姐質素經常為人詬病，又畀網民取笑，不過今年質素算係好番啲，好似冠軍陳凱琳更加由17萬市民選出嚟，真正嘅民選冠軍。
根據過往慣例，以往嘅港姐冠軍都係要卸任後，先可以去拍劇，但唔知係陳凱琳太受歡迎，定抑或無綫鬧花旦荒，噚日有報道話陳凱琳未卸任，就已經獲委任拍兩套無綫重頭劇《太監五虎》同《陪著你走》。
據知係因為陳凱琳樣靚形象好，無綫製作部總監曾勵珍亦親自接見咗佢，仲話因為近年製作部唔夠人用，所以陳凱琳即使未卸任，珍姐已經要搶定人。
而陳凱琳早前出席一個活動，就坦承見過珍姐，問佢係唔係會做《太監五虎》嘅女主角，佢當時就話：「係就緊係好啦！」
鄭中基@谷德昭搞笑孖寶再發功,笑彈繼續嚟！
周一至周五《亂噏24》約定你： http://bit.ly/appletalk24