美國人做調查，查出打工仔十大請病假的藉口，騎呢度較高的包括：假牙在行車時飛出車窗外、吃火雞引致睡過頭。比較接近現實的是：心情憤怒，上班的話，會隨時動手打人。
這個藉口，懶人最啱用。香港人的「十大」，更hea：
一，排隊排了七日拿到十間幼稚園申請表，最後才醒起，個仔根本未出世。
二，每晚被迫電視雞汁撈飯，想郁手打人都冇力，何況返工！
三，阿媽和外母叫我去政總抗議，幫兩個老人家出聲。去到才知，集會已經結束，被迫留守。
四，唔想去中環返工，容乜易屈我佔中！
五，朝九晚五打工為乜呢，不如趁郊野公園還未見縫插針起樓前，去打野戰。
六，我打政府工，冇得揀老闆，唔like。
七，陰霾之下，在上班中途迷路了，回家也延誤了十小時。
八，我住屯門，烏蠅一直跟住我，點出市區？
九，我等梁振英幫我悉心部署好才上班。
十，我好嚴謹地三揀二，最後揀咗唔返工。理由？保密！