（樂）三色台劇集大結局，就好鍾意搵班主角去BBQ埋尾，估唔到巴塞隆拿前鋒美斯（圖）都興呢味，上周六國家打吡贏波後，周日就同老婆囝囝喺屋企BBQ；當然美斯點會屈喺天台，梗係有優美後花園，綠草如茵嘅環境BBQ啦。美斯仲親自用刀叉負責燒烤，成個大廚咁款。
巴塞贏咗皇馬，今季西甲仲未大結局，因為巴塞最大對手可能變咗馬德里體育會；馬體會周日主場以5:0狂勝貝迪斯，開季10戰9勝1負，比巴塞只係少1分。今仗最大亮點唔係梅開二度嘅韋拿，而係奧利華托利斯（小圖），呢位18歲中場開賽13秒就幫球隊先開紀錄，打破球隊史上最快入波紀錄，亦係西甲歷來第10快入球。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange