【網事力場】無綫一向緊張新聞主播的專業形象，甚至有指引主播不可接受傳媒訪問，但查實幾位女主播都外表斯文內裏open，愛在微博和facebook晒料玩放縱，享受無拘無束的網上空間。張文采BB就在微博晒腳引死宅男，已請辭的死敵黃紫盈則晒不同男伴相，不知會否被無綫詐型呢？無綫企業傳訊部副總監曾醒明昨回覆記者：「微博係自己天地，有自己空間同自我生活，佢哋所擺所講唔係透露公司事情，唔覺有影響主播形象，公司唔會干涉。」
撰文：林妃
張文采（無綫新聞記者／主播）
【靚腿任睇】
張文采前日去了BBQ，在微博放了一張晒腳趾相，留言：「秋季大旅行！bbq！附送我啲腳趾。」她的腳趾又圓又潤，相中還見到很多對粗髀，看來文采BB被眾星拱月，有多位壯男服侍她BBQ。
5呎6吋高的文采BB有一鋪晒腿癮，甚至着短褲晒大髀的性感相，網友留言驚讚：「哇……引死人咩」、「靚腿誘惑！」文采BB男友羅鈞滿昨接受電話訪問，力撐女友不是自戀晒腳，他說：「我諗唔係刻意晒呢啲，重點喺對鞋度。」問覺得女友對腳靚唔靚？會否介意女友被睇蝕？他尷尬說：「我唔方便講女友，放過佢，佢工作性質唔同，我梗係擔心影響佢工作，佢唔想做新聞焦點。」問會否提點女友少着短裙短褲？他說：「佢知道㗎啦。」
黃紫盈（轉職馬會）
【男仔飯腳】
無綫新聞小花黃紫盈跟張文采暗戰慘敗，已向無綫請辭，她愛在facebook放旅行相，跟不同男仔食飯撐枱腳，甚受異性歡迎。
蔡雪瑩（無綫新聞主播）
【守護媽咪】
蔡雪瑩是孝順女，不時在微博上載跟媽咪的溫馨合照，原來雪瑩爸爸於今年6月過身，她常在微博懷念亡父，抒發哀愁。
鄭萃雯（無綫新聞記者／主播）
【運動素人】
已婚的鄭萃雯生活健康，閒來愛放狗跑步，在微博放了一張跑步的素顏滴汗相，留言：「Running man. Running Sui Man……」網友激讚：「素顏萃雯，零舍誘人！ 報道新聞，淡定過人！」
盤翠瑩（已請辭無綫高級主播）
【日光靚腳】
已婚的盤翠瑩最愛在微博放旅行相，7月到曼谷享受陽光時，放了一張在泳池的晒腳相，原來她跟文采BB一樣有鋪晒腳癮。
鄭中基@谷德昭搞笑孖寶再發功,笑彈繼續嚟！
周一至周五《亂噏24》約定你： http://bit.ly/appletalk24