大家成日幫襯嘅大家樂（341）已經45歲，今日喺中環華懋大廈分店以懷舊主題慶生，公司會將間舖變成70、80年代格局，股評人胡孟青又會以代言人身份，着套舊制服行貓步。
懷舊小食賣1蚊
為與眾同樂，29至31號，喺指定9間大家樂分店嘅下午茶時段，將限量供應1蚊懷舊小食，包括以前賣過嘅港式秘製金沙骨、炸雞脾同蝦多士，仲有漢堡包。
呢個漢堡包原來有段故。話說大家樂創辦人之一羅騰祥（八叔），年輕時當兵喺美國食過熱辣辣夾住塊扒嘅漢堡包，一試難忘，所以開大家樂時都照辦煮碗整番出來。
當年就連麥記都未進軍香港，市場亦冇快餐店，於是一推出就頗受歡迎，成為當年大家樂主力推銷嘅產品。漢堡包今次「回歸」，只得今日喺中環華懋大廈分店限量供應，中環友可以諗諗佢。
鄭中基@谷德昭搞笑孖寶再發功,笑彈繼續嚟！
周一至周五《亂噏24》約定你： http://bit.ly/appletalk24