近年做到梗有一間喺附近嘅阿信屋，由最初賣日本進口零食，做到賣埋紅酒、日用品，越來越似小型超市，新近佢將戰線擴展至急凍食品同進口蔬果，想進一步攻陷師奶市場咁話。
阿信屋母公司CEC國際（759）主席林偉駿狂呻，指佢哋受到大型超級市場步步進逼，佢哋惟有增加貨種去提高競爭力，公司一直致力走日式超市路線，於是決定賣埋急凍食品同日本蔬果，不過就唔係間間都有得賣，初期大約只得幾十間有售。而呢類貨擺得唔耐，毛利率亦較乾貨低，唔算好賺，志在吸客。
擴充大計唞一唞
都說阿信屋開到梗有一間喺附近，原來計埋裝修緊嘅分店，𠵱家阿信屋有176間，另有4間簽咗租約，最遲明年1月中全部開業。林偉駿曾話過，當分店增至180間，就停一停策略檢討，即係都差唔多時候喇喎。
鄭中基@谷德昭搞笑孖寶再發功,笑彈繼續嚟！
周一至周五《亂噏24》約定你： http://bit.ly/appletalk24