點解有兩個壇蜜嘅？乜壇蜜原來有個妹妹0架？唔係呀，呢個「小壇蜜」，係A貨嚟0架，完全冇血緣關係，純粹抽水0架咋，不過大小壇蜜個樣真係一模一樣，連大壇蜜都話激似。
已經3字頭嘅大壇蜜憑《半澤直樹》人氣急升，小壇蜜得20歲，原名副島美咲。佢除咗係「情色女王二世」之外，仲竟然可以衝破年齡界限，同65歲嘅老爺爺拍過拖——讀高中嗰陣。
日前小壇蜜身穿豹紋比堅尼，出席電影宣傳活動，一嚟就鞠躬倒奶同大家say hi，搞到上半截戰衣爭啲跌咗落嚟。
小壇蜜話喎，佢讀高中嗰陣，曾經同一個65歲嘅「老爺爺」拍過拖，佢仲好大方咁同大家分享佢嘅性幻想對象:「我喜歡幻想，除了常看一些情慾方面的小說，滿腦子經常是小池徹平的樣子，潛意識裡會把他當成自己的性幻想對象。」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！