【逼得太緊】
懷疑惹下屬不滿、觸發今次集體請病假事件的入境處深圳灣管制組指揮官郭慧蕾，據說約40多歲、未婚。郭的同事形容她處事作風「鷹派」，認為她有能力但「乞人憎」。
致下屬神經緊張
郭慧蕾早於2000年任職入境事務主任時，因調查一宗為外籍家庭傭工偽造證明文件案獲嘉獎狀；2007年她任職高級入境事務主任時，再獲入境事務長期服務獎章，現為總入境事務主任職級。
據曾與郭慧蕾共事的入境處員工透露，郭處事認真，但有時「太過執正嚟做」，例如「佢會叫同事去廁所唔好去咁多，但去廁所呢啲嘢邊有得計㗎！」員工形容郭「逼得下屬好緊」，令人神經緊張。
有入境處人員指她到深圳灣才數星期，以往做過訓練崗位和管制站，但只是一些水路「細站」，人流和工作複雜程度不能與深圳灣相比，今次事件顯示她管理技巧缺乏彈性，引致下屬反彈，但認為她「唔係壞人」。
亦有員工指郭「不喜歡員工將『飯鐘擺尾』，即不喜歡員工返工唔利用一個鐘頭食飯，而改為放工早走一粒鐘」，並指「佢（郭）個級數唔使直接指揮或者接觸同事，都可以搞成咁，令咁多人不滿，真係好大件事」。
《蘋果》記者
鄭中基@谷德昭搞笑孖寶再發功,笑彈繼續嚟！
周一至周五《亂噏24》約定你： http://bit.ly/appletalk24