加拿大有調查發現，女人為取悅喜歡對象，會說閒話和散播謠言以攻擊情敵，在香港，是非當然也離不開女人，但會在哪裡說和聽呢？
記者：鄒倩婷 攝影：楊觀賜
動記者在旺角做街訪，有女生笑言沒有特定的是非之地，只要聚在一起便會說，但若真的要選址，「喺canteen」、「WhatsApp！o依家興Group chat」、「pantry都會」。
她們表示無論是關於人或事都會談及，但承認外貌出眾的女生，會較容易成為焦點，「受男生歡迎嗰啲女仔，鬧佢姣婆」、「唔靚以為自己好靚嗰啲」、「話你成日同男仔一齊，唔知博乜」，又表示會故意說她們不漂亮。
研究指這些語言攻擊，是間接的侵略行為，受訪者都認同會影響別人的觀感，「人云亦云吖嘛，會令人覺得：『嘩！你原來係咁嘅人』，咪唔想同佢一齊」、「上司或者同事聽到人講，其實唔係，都有機會變成係」。
但原來可怕的是非，不限於女人堆，有男士坦言兄弟之間也有，「可能個男仔同你鍾意嘅女仔傾計，你梗係會眼紅，你會呷醋吖嘛，咪有心病囉！」
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange