（喜）真係守得雲開見月明！一直想喺美職聯大展拳腳嘅紐約紅牛，喺周日嘅美職聯常規賽主場以5:2反勝芝加哥火燄之後，終於打破咗宿命，18年嚟首次成為美職聯常規賽冠軍，而陣中嘅一班主力都好鬼激動，好似首席射手卡希爾（左圖）啦，冇波入都鬼死咁開心。今場入咗1球嘅法國前鋒亨利（上圖右）就話：「呢個冠軍對於球隊同埋球迷嚟講，都意義重大！」不過，紅牛嘅球員就唔可以咁快慶祝住，因為隨住常規賽結束，季後賽亦隨即喺星期三開打，紅牛梗係想一鼓作氣，贏完常規賽之後，繼而成為美職總冠軍啦！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange