上星期鄭中基（Ronald）在肥佬黎、蔡瀾和倪匡夾擊下，被迫重提當日醉酒大鬧飛機及牢獄生涯的慘痛教訓，今個星期即大爆張學友的醉酒經歷，實行大報復！《亂噏24》由今日至本周五每日播出兩集，讀者可於《蘋果動新聞》網頁觀看，亦可在 http://bit.ly/appletalk24重溫，足本版則於周四晚上11時播出。
嘔吐物噴擋風玻璃
Ronald醉酒鬧事賠了兩年積蓄，學友則比較幸運，醉駕都冇事！話說當年Ronald還未入行，其父鄭東漢是唱片公司高層，他趁暑假到錄音室做暑期工，因而認識不少天王巨星。有次學友喝醉，但堅持要載Ronald返家，Ronald說：「好啦，佢揸揸吓車嘔，『啪』就噴到個擋風玻璃全部都係，跟住佢開水撥，咦點解唔得嘅？」Ronald當下心知不妙，趕緊繫上安全帶。Ronald又記得周慧敏以前的音樂監製黃祖輝，日光日白都會醉酒：「我入𨋢見到得佢一個，閂埋𨋢門佢開始想嘔咁，我話你咪嘔呀，㩒住個口呀。點知佢一㩒住個口，就喺個鼻度流出嚟！」
肥佬黎透露畢生只醉過一次，那年他14歲，獨個兒租住板間房：「飲啤酒醉，嘩！辛苦到我，嘔到成個房臭幾日！」
撰文：馮國康
鄭中基@谷德昭搞笑孖寶再發功,笑彈繼續嚟！
周一至周五《亂噏24》約定你： http://bit.ly/appletalk24