CCTVB一台獨大，可以完全漠視民意，搵錢至上。佢哋近排先俾觀眾鬧爆，May姐個飲食節目無論煮乜嘢都要加贊助商嘅雞汁，搞到雞汁已淪為低質素節目嘅代名詞，唔知隻雞汁嘅銷情會唔會因而受到影響？不過呢，大台坐擁慣性收視，一於你有你鬧，佢哋味精照派。
最新一期無綫官方刊物《TVB周刊》，更加同另一個供應商合作，實行派「鮮味雞粉」做贈品（圖）。一本八卦雜誌連雞粉，都係10蚊雞，認真大件夾抵食。大台要搵錢、搵渠道賣廣告係無可厚非，之但係仲有雞粉供應商可以咁勇，唔怕同CCTVB合作，又係咪有少少敏感度不足呢？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange