「BB」有「小生」當金叵羅，禮物一籮籮，成日名牌附體等閒事，藉住戀情接job唔停，真係人財兩得。原來小生好鍾意買限量版手袋畀BB，當中有好多正貨舖頭都斷晒貨嘅愛馬仕，為博BB一笑，炒價成十萬八萬都在所不計。BB有靚袋收，都識禮尚往來，即刻走去水貨舖買番同牌子嘅小皮袋「回禮」，盛惠3,000蚊，雖然價位相差幾十倍，不過小生有情飲水飽，當然開開心心收，真係名副其實物輕情意重。
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！