現年50歲的甄子丹早前拍攝電影《特殊身份》，向來對自己要求嚴格的他，這次身兼監製、動作指導和演員三職，台前幕後事事關心，壓力升級，即使「宇宙最強」都只是血肉之軀，最後壓力爆煲患上抑鬱症，經常自困酒店房中自言自語，致失眠變躁底。子丹慶幸電影煞科後立即抽離，家人的愛令他跳出牛角尖，抑鬱情緒得以紓解。
撰文：比華利
甄子丹於八十年代憑敏捷身手闖入娛樂圈，當時獲導演袁和平慧眼賞識，安排參演處男作《笑太極》，踏出他在電影圈的第一步。三十年的演藝生涯，子丹的路並非順暢，他經歷過高低起跌，至08年參演電影《葉問》是事業轉捩點。隨着他近年成為票房保證，最近上映的電影《特殊身份》，子丹身兼監製、動作指導和演員三職，壓力三倍遞增，子丹拍攝該片時又爆出跟趙文卓不和，面對是非和工作的壓力，他日前接受本報專訪時直認那段時期曾患上抑鬱症，茶飯不思，要靠吃安眠藥入睡。
《特》片在深圳開工時，子丹既要處理幕後事務，又要兼顧幕前激烈打鬥場面，身心嚴重消耗，即使宇宙最強都不勝負荷，壓力爆煲，他說：「喺深圳開工嗰段時間，我曾經患上抑鬱症，面對好多疑難一齊嚟，我都解決唔嚟。我試過困住自己喺酒店房，我瞓唔到又食唔到，成日自言自語，為咗解決問題困住自己係咁諗嘢，拍攝時我喺現場都好躁。」
遍體鱗傷不言休
子丹越諗就越鑽牛角尖，令太太汪詩詩憂心不已，為了令自己撐下去，他說：「我靠食安眠藥瞓幾個鐘，當時因為冇時間，返唔到香港睇心理醫生，一直用意志撐到埋尾。」《特》片煞科，子丹即全面進入休息狀態，在家人支持和關懷下，他的情緒才得以漸漸平復，告別抑鬱。
身為動作演員，幕前狠鬥場面壯觀，但背後的血汗辛酸絕對不為人知，子丹出道至今，新傷舊患遍及身體各部份，他說：「身體上有傷係預咗，隨住年紀大，虛耗係必然，跑車用得多都蝕啦！」單講《特》片，子丹還傷了頸椎，他說：「拍戲時唔察覺，煞科後，有日我覺得左手手指麻痹，抽搐疼痛，去睇醫生先知頸椎壓住神經線，傷及舊患。背脊又有骨刺，我左手最痛嗰時，諗到如果成世癱咗點算，痛咗兩個幾月，𠵱家雖然痛楚係舒緩咗，但左手食指都冇乜嘢知覺。」雖然遍體鱗傷，但子丹仍堅持不言休。
化妝：諺瞳小白
髮型：Warden
服裝：Ted Baker、Diesel
場地：Show Club
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！