甄子丹是當今影壇炙手可熱的動作演員，但隨着年紀漸長，總會有退下火線的一天，問到他會否栽培接班人？子丹說：「我近年同林生（林建岳）開咗電影公司，想培育多啲動作演員。有啲嘢冇得學，呢行好多武打明星如李連杰同李小龍，佢哋都係機緣巧合出嚟，李連杰係國家武術隊出身，李小龍嘅時代好多機會接拍功夫片。𠵱家時代唔同，有武功底未必有機會。」
時下影圈，最能配合天時地利人和的要算安志杰，子丹說：「佢算有實力又有潛質。」不過，子丹和安志杰在電影《特殊身份》中打戲連場，拍攝時竟發生意外，子丹說：「有一日，我埋位時失神，俾佢凌空一腳踢咗落我個頭度，我都暈咗分幾鐘，佢成個人180磅從上壓落我頭頂，力度加倍，嗰吓唔嘢少！」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！