【中環置地】那英憑住內地電視節目《中國好聲音》人氣急升，佢同前夫高峰有個9歲嘅囝囝高興，那英06年再嫁夜店老闆孟桐，又生咗囡囡小蘋果都已經6歲。那英前日一家四口嚟香港旅遊，佢哋喺中環置地文華東方酒店嘆自助早餐。
冇化妝嘅那英帶住囡囡先去搵位攞嘢食，隔一陣孟桐就帶住高興嚟會合，兩父子雖冇血緣關係，但相處融洽。餐後由孟桐畀錢，有食客認出那英要求合照，素顏嘅佢心情好，來者不拒。
撰文：林妃
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！