【本報訊】中環是金融中心，熙來攘往的上班族身光頸靚，記者目睹有OL帶同事遠觀Yammie，拋下一句「smell so bad」後離去。然而基層的清潔工、保安員充滿愛心，對這位外籍露宿婦伸出援手。
在商場法國餐廳任職廚房的陳先生及Chris，幾乎每天都主動拿飯盒給Yammie充飢，冰冷的商場仍人間有情。
清潔工贈麵包
「我唔當佢係乞兒，佢冇放兜喺面前，我覺得佢係一位落難旅客，其他國家嘅人嚟到香港有困難，幫得就幫，況且我哋都係將自己食嘅員工飯攞畀佢，佢特別鍾意食橙，開心嗰陣會唱歌跳舞，有時就好cool唔講嘢」。陳先生每日在廚房工作12小時，本身也是基層，謙稱與Chris只是略盡綿力，只希望有好心人幫助Yammie。另於國金當清潔工達八年的湯姐，也留意到Yammie已在此留連了兩、三年，見到Yammie經常為食而煩惱，湯姐主動買麵包給她吃。
聖雅各福群會露宿者綜合服務社工陳錦添，約兩個多月前曾跟Yammie接觸，無奈對方拒絕別人幫忙。他說仍會嘗試與Yammie接觸，了解對方需要。
鄭中基＠谷德昭搞笑孖寶再發功，笑彈繼續嚟！
周一至周五《亂噏24》約定你： http://bit.ly/appletalk24