港視不獲免費電視牌照引起全城關注，無綫又可繼續一台獨大，無綫前藝員盧海鵬對於舊公司訂下規條開工時間，他不以為然說：「當初我哋拍又話唔使捱夜，整整吓咪要，都係聽住先，決策者同開工班導演都唔同。我拍港視劇訂明每日8小時，有車接送，佢哋全部跟足條件。」
無綫合約藝員張國強說：「幾震撼同敏感，大家各有角度同難處，希望有好局面，其實無綫都有歸屬感，最近都感受到大家庭感覺，有久違咗嘅風褸同過年利是。」至於「愛回家」熱線被嘲做騷，有份拍攝的薛家燕說：「個心有啲唔舒服，我同公司都係出於好意。」
施南生對於政府拒發牌給港視，她說：「太冇道理，越嚟越唔認識政府。」組合C AllStar也希望大家有更多選擇。至於林德信則謂因有朋友在港視做藝人，故戥朋友感不快。
撰文：林妃
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！