F1印度站今、明兩日舉行，由於主辦單位冇畀到舊年同前年嘅稅，一度有傳會取消今年賽事，好彩最終都冇事，印度最高法院表示可如期上演。由於得番4站賽事，如果印度站玩唔成，現時喺車手榜領先次席嘅法拉利車手艾朗素90分嘅維特爾，就會自動封王，家陣艾朗素仲有一絲嘅爭標希望。不過，喺禮拜五嘅練習賽，維特爾（左二）表現最好，兩節都係排第一；照咁睇，呢位紅牛車手好有機會喺印度站3連冠，兼喺呢個亞洲國家實現世界冠軍4連霸美夢。（now671台今日4:20pm直播排位賽）
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange