【電視風雲之從不孤單】
【本報訊】爭取公義，爭取真理普世價值，從來不會孤單；連日來留守政總港視員工亦不會寂寞，巿民日日到來撐場支持，送上窩心的湯水，解渴的鹹柑桔、飽肚的豬手。決戰前夕，要求政府交代拒發牌照真相七日限期屆滿之際，昨夜，十萬巿民絡繹不絕來會場，力撐港視員工繼續留守政總，直至政府交代拒發牌的原因，甚至有巿民要求幕後黑手特首梁振英下台，才撤離政總。
記者：蔡朗清 麥志榮 韓耀庭 王崇穎 盧坤穎
政府黑箱作業不向港視發牌事件已發展逾一周，市民對政府的憤怒有增無減。不少市民堅持要政府及行政會議道歉，更要「一男子」梁振英落台。《夢想‧黑暗裡仍然鏗鏘》大集會昨晚8時舉行，巿民早於5時已到政總聲援、撐場。集會開始，現場已擠滿黑壓壓的人潮，勢要政府交代不發牌真相。
參加集會的市民來自各行各業，不同階層人士都有，各人都不滿政府不發牌予香港電視，完全是黑箱作業，特首及官員多番解釋更是不清不楚，令人難以釋疑，他們認為政府有責任交代不發牌的理據。市民堅守公義這一條最後防線，因為今次已經「唔係睇電視咁簡單」。
市民贊成留守政總
倫敦奧運主題曲英國歌手Kashy Keegan老遠從英國來政總現場打氣，激起更多巿民到場，昨午有網民表示，「Kashy Keegan專登喺英國飛嚟支持，鬼佬都嚟，香港人點可以唔到！」
昨晚過後，港視集會行動何去何從？大部份參加集會的受訪巿民聲嘶力竭說，港視員工要留守到底，追求真相，正如教師湯先生表示，必須堅持到底，繼續留守政府總部，「逼政府交代到底」。零售業的楊小姐氣憤地說，政府解釋模糊，「應該繼續留守政府總部，先可以向政府施壓。」
從事會計行業的王小姐坦言過去很少參加集會，今次走上街頭是因為「睇到王維基做咗好多嘢，都竟然冇牌，好唔抵」，政府有需要交代死因。趙同學亦說，政府今次事件有違民意，令人質疑背後有陰謀，「梁振英一再犯錯，應該要下台。」
策略性地打持久戰
受訪的集會巿民中，亦有部份認為應保留實力，有策略地打持久戰，爭取發牌。退休公務員林先生認為：「市民熱情會減退，今晚有一萬人，下星期可能得幾千，好難再支持落去，下一步應該去法庭了斷，由王維基同政府打官司，市民適當時候再出嚟聲援。」
家庭主婦伍女士認為：「員工已經喺度瞓咗幾日，再瞓落去未必有用，應該諗其他方法爭取。」地盤工人對日以繼夜留守政總的港視員工深表同情，他說員工撤走也無可厚非，「始終要搵食」。
點解我嚟集會
【香港要有公義】
學生郭小姐：行政會議同政府要道歉，香港要有公義，唔可以俾「一男子」梁振英主宰決定。
【守住最後防線】
黎小姐：我哋要守住最後一道防線，𠵱家唔係睇電視咁簡單。政府黑箱作業，無公義。
【要向政府施壓】
零售業楊小姐：政府解釋唔清唔楚，黑箱作業，應該繼續留守政府總部，先至可以向政府施壓。
【撐員工要搵食】
地盤工人吳先生：員工要撤走無可厚非，佢哋要搵食，舊年反國教班學生有熱情有體力至可以守落去。
【同帝制冇分別】
家庭主婦伍女士：政府發牌準則朝令夕改，咁同帝制有乜分別？特首嘅回應越講越令人討厭，市民唔收貨。
【疑背後有陰謀】
學生趙小姐：民意好清楚，但政府就逆民意，令人懷疑背後有陰謀，梁振英一再犯錯，應該下台。
【王維基好唔抵】
會計王小姐：今次出嚟係睇到王維基做咗好多嘢，都竟然冇牌，好唔抵，政府必須交代死因。
【繼續留守政總】
教師湯先生：第一次嚟參加集會，大家一定要繼續留守政府總部，逼政府交代清楚。
【不會就此結束】
會計香小姐：員工要撤離可以理解，但件事唔會就咁結束，日後佢哋再發起抗爭，會再出嚟支持。
【睇電視有得揀】
林先生：訴求好簡單，想睇電視有得揀，由市場汰弱留強，唔受觀眾歡迎嘅電視台應該執笠。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange