昔日寂寂無聞的香港電視藝員陸駿光（圖），前晚飾演半澤直樹而一鳴驚人，現年36歲的他，於第18期演藝學院畢業後加盟無綫，在無綫投閒置散了九年，在即將取得無綫服務十年的一面金牌仔時，他毅然決定投身香港電視。
TVB刻薄 月薪$7,000
陸駿光說：「以前覺得唔被尊重，無綫經理人同做幕後嗰班，唔係好理我哋，行過當見你唔到，其次係人工問題，我走嗰時，只係兩年前，都只係有7,000蚊月薪，試過幾個月硬食7,000蚊，冇生活㗎！屋企睇電視睇碟，約朋友打籃球！」
無前途又無錢途，陸駿光經常被女飛，卻被誤以前花心，他說：「有啲嘢講唔到畀人聽，成日俾人以為好多外遇，𠵱家個女朋友好好，拍咗一年零十個月，今年6月有一次去旅行我喺飛機上面求婚，當時佢喺飛機上面廁所暈咗，返嚟面青口唇白，嗰刻我好想以後都照顧佢，就同佢求婚，佢即場答應，本來計劃咗要結婚，但𠵱家情況，我哋擱置咗結婚計劃。」
陸駿光前晚在政總外演出《半澤》，之前一晚半夜才收到劇本，他說：「我冇睇過《半澤直樹》，係拍完劇收工先睇吓，我知道好大迴響，以前喺無綫係冇呢啲機會，就算有好角色，監製想搵你做，都會俾人中途攔截。」
鄭中基＠谷德昭搞笑孖寶再發功，笑彈繼續嚟！
周一至周五《亂噏24》約定你： http://bit.ly/appletalk24