【球星焦點】球迷睇波，當然想看刺激萬分的進攻，當中最吸引人眼球的肯定是「拆你屋」（Alley-opps）。可惜在西南分區，這種進攻招數少之又少，當中包尾的馬刺，對上兩季更合計只得5次（見附表），難怪被人稱為悶波。
快艇能贏得「Lob City」（高拋城市）的稱號，全因基斯保羅和比歷克格芬這對組合，不時在比賽中隨手一拋，空中接應入樽，令比賽更為刺激；但對老將極多的馬刺和小馬，在同是得兩分下，肯定揀上籃好過，難怪兩隊排在聯盟包尾及尾三，近兩季合計亦只得35次。諷刺是小馬有歷來入樽最勁的卡達在陣，可惜這位彈弓人快將37歲，跳射多過「拆你屋」了。
望新兵注入活力
反而黃蜂及火箭兩隊在新人較多下，今季可能有新氣象。黃蜂小將為主，主力安東尼戴維斯才20歲，配合E哥頓和A李華士，不難有較多入樽鏡頭；至於火箭的新兵懷特侯活一向入樽多過食飯，而柏臣斯及卡斯比亦不時走底接應傳球入樽，後場的林書豪及卡達朗傳波又不俗，今季10大金球，火箭可能經常出現也不定。
鄭中基＠谷德昭搞笑孖寶再發功，笑彈繼續嚟！
周一至周五《亂噏24》約定你： http://bit.ly/appletalk24