舒淇同陳曉東等前晚喺北京出席品牌Fendi活動，以紅色外套襯牛仔褲長靴嘅舒淇表現風騷，而身為唯一一位男嘉賓嘅東東，就笑言有五美相伴甚好艷福。東東主演嘅劇集《蘭陵王》喺內地好受歡迎，估唔到舒淇都係捧場客，佢見到東東嗰陣仲即叫對方皇上，搞到東東忍唔住大笑。東東同舒淇好耐冇合作，佢兩個一見面除咗講近況外，仲交流咗喺內地同台灣買樓嘅心得㖭。
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！