成龍日前喺美國宣傳套《十二生肖》，又發揮亂噏本色，居然話想見到多啲天災降臨，等全球團結一致喎！係人都知天災唔可以拎嚟講笑，回想當年，四川發生大地震，荷李活巨星莎朗史東就因為一句說話，辣㷫咗全中國人，代價相當大！
08年5月12日，四川汶川發生八級大地震，造成近七萬人死亡。當時出席康城影展嘅莎姐，被中國傳媒問到感受時，提到自己「不喜歡中國對待西藏人民的方式」，然後爆出一句：「我在想這些事（地震）是否業（karma）的因果報應嗎？」此話一出，即時辣㷫全中國人，內地院線全面封殺佢嘅電影，佢做代言人嘅Dior，亦喺內地抽起印有佢個嘜頭嘅燈箱同廣告牌，斷估佢都估唔到因為一句說話，搞到收入唔見咗一截。「天譴論」事件事隔一年，莎姐再次向受傷害人士致歉，但已留下一道難以磨滅嘅裂痕。
撰文：阿Wow
鄭中基＠谷德昭搞笑孖寶再發功，笑彈繼續嚟！
周一至周五《亂噏24》約定你： http://bit.ly/appletalk24