演藝人協會處理港視不獲發牌被批維穩，大前日曾志偉辭去會長一職，黃秋生昨日在facebook指志偉食死貓，身在北京的秋生昨接受電話訪問時更踢爆岑建勳和林家棟均已辭去協會職務，他說：「仲大鑊，聽講好似岑建勳、林家棟都辭職，唔知乜事。」
秋生力證志偉食死貓，他說：「佢一早開會準備發聲明，所有執委一齊傾，拖拖拉拉搞遲咗，佢使乜負責任，點解話佢維穩？如果維穩直情唔發聲明㖭。」他對志偉辭職感可惜，誰適合接任會長？他笑言：「我上囉，邊有咁多時間，或者搵學友做囉。」
岑建勳昨接受電話訪問，承認已請辭：「上星期辭退副會長同執委，因為唔多時間喺度。」他否認與港視事件有關：「我早過志偉辭職，佢冇同我商量，佢辭職好可惜，但尊重佢決定。」對於協會被批維穩，他說：「唔可以話維穩，只係反應慢咗。」岑建勳強調支持發牌給港視，狠批政府離譜。另施南生對志偉辭職說：「佢好清楚自己做乜，唔使擔心，大家可以再選過志偉。」
採訪：林妃
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！