樂基兒、薛凱琪（Fiona）及日本名模岡本多緒等，前晚到將軍澳邵氏影城出席Calvin Klein時裝活動，曾和Fiona傳緋聞的澳門酒店黑人高層Reggie Martin亦有出席，他在場外排隊，原先已可入場，但擺明等Fiona做完訪問要和她打招呼。 問到Fiona可怕與黑人朋友Reggie再傳緋聞？她謂：「唔怕傳，朋友箒，不實無名嘅緋聞，有女仔朋友做咗媽咪都同我傳。」成龍日前的天災論又講錯嘢，Fiona謂：「咁嚴重我要睇清楚先講，不過佢係心地好想講善意嘢。」房祖名有否經常呻老竇講多錯多？她說：「佢覺得老竇係大細路，不過我同祖名都好耐冇見，評論一個人唔好因一句話，成龍長期做善事，係好人。」Fiona又表示出新碟中要求公司盡量多拍MV，她笑言平有平拍貴有貴拍，之前便在法國拍攝。可以請好友杜汶澤做男主角？她笑謂：「佢𠵱家身材咁好，同佢以前搞笑唔似，啲歌都要型格性感先啱佢。」
樂基兒生意押後
穿上露背裙的樂基兒表示下星期返美國探親，之後還有其他工作，提到她想搞的珠寶生意，樂基兒表示因時間緊迫，現延遲到明年初才公佈。會否親自做代言人？樂基兒指不會，只負責設計，她心中已有合適代言人，但暫不透露。有報道指緋聞男友Cuz送她機，樂基兒甜絲絲說：「我冇睇到報道，睇咗先知點講。我成日都有人送機，朋友、公司同事同助手。」 曾在電影《狼人：武士激戰》中任女主角的岡本多緒，被問想和哪個香港演員合作？她以英文表示：「Jacky Chan（成龍），佢永遠都係巨星。」 採訪：譚倩宜
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！