每次跌市，多數人第一句總會問：因乜事跌？阿爺拆息抽升？地方債爆發，內銀壞賬大增？歐洲收緊壓力測試條件？道指與標普走勢背馳？抑或港股出現雙頂？總之未搞清楚就唔願沽，部份人更伸手接刀，認真危險！
理由總是事後搵出來去justify個跌市，屆時先沽就遲了。打個譬喻：大廈失火，你會先找出起火理由，還是走咗先講？
港股跌勢已成，有貨宜且戰且走，盡量保本，暫時魏力先睇250日線22300水平，睇落好似幾樂觀，但濠賭、科網等板塊今年跑贏大市九條街，齋消化獲利沽盤，隨時可跌兩成，實在不宜現水平冒險去撈。
跌市揀股困難，可小注向創板股埋手，中國城軌（8240）主攻北京城市鐵路（不是高鐵）的售票及車站指揮系統，集城鎮化、智慧城市國策概念於一身，本月初申請轉去主板，預料將可獲批，對提升流通量及知名度大有幫助，估值三級跳，指日可待！此外，公司更處於淨現金水平，穩健程度屬創業板罕見。
睇返幅圖，過去一年，中國城軌以大型的「杯柄」運行，目前已屆突破之時，昨日成交急增，10日線已經升穿20日線，MACD重現雙牛，9 RSI持續向好，能逆市出現如此靚圖，預料一定有後着，戰友最佳入市位為突破52周高位1.02元，首個量度升幅的目標為1.30元。
魏力
http://www.facebook.com/2012jason
鄭中基@谷德昭搞笑孖寶再發功,笑彈繼續嚟！
周一至周五《亂噏24》約定你： http://bit.ly/appletalk24