被指「維穩」的曾志偉前日辭去演藝人協會會長職位，昨日接受兩個電台訪問，除再解釋為何辭職，更表明業界不應呼籲市民上街。訪問中志偉多次質疑王維基炒人太草率，主持人指志偉令人覺他對王維基有火，對政府反而體諒，志偉辯解：「政府𠵱家請人冇人敢做，我唔覺有人做政府部門會懶懶閒唔做好，畀啲時間唔好逼佢。」還反問：「係咪每樣嘢都要交代呢？」但志偉拒認是維穩分子。黎瑞恩和鄭丹瑞（阿旦）前晚到電視城錄影，曾做演藝人協會理事的阿旦揚言會八卦了解。
曾拍港視劇的蘇永康昨在電台訪問中寸說：「政府聽民意？佢唔聽㗎，其實689晨早知道開結果就預咗，佢啲語言偽術咁犀利。」而關楚耀前晚否認被禁去遊行，自言一早在微博表態支持。張家輝前晚在電話中說：「如果志偉因個人言論唔想影響大圍方向而提出辭職，呢個係成熟決定，應該尊重。」
採訪、攝影：馬建華、王崇穎、溫敏芝
鄭中基@谷德昭搞笑孖寶再發功,笑彈繼續嚟！
周一至周五《亂噏24》約定你： http://bit.ly/appletalk24