稻香（573）最近連拉麵店都撈埋，跟日本連鎖集團RingerHut組合營公司，首間舖月初喺九龍灣開張，由太子爺鍾震峰（Terry）打骰。咪以為太子爺唔使做，佢早幾年喺麥記打工，𠵱家都要日日煮麵。
27歲嘅Terry話，大學畢業回港已經有意投身飲食業，阿爸叫佢去麥記賣包，學吓嘢先。Terry又真係去麥記求職，仲俾經理質疑佢玩嘢，有乜理由大學生做麥記？好在誠意搭夠先成功入職，後來轉做見習生同管理層，一做就做咗四年。
舊年佢阿爸提起搞拉麵，Terry先歸隊幫手。佢今年1月返工，先去日本學煮拉麵三個月；𠵱家喺新舖朝九晚二坐鎮，落手落腳煮麵，阿爸仲警告佢，呢幾個月唔好諗住放假！
鄭中基@谷德昭搞笑孖寶再發功,笑彈繼續嚟！
周一至周五《亂噏24》約定你： http://bit.ly/appletalk24