【本報訊】發牌風波影響整個演藝界及作為電視觀眾的全港市民,連日來不少巨星發聲力撐港視,繼周潤發及梁朝偉後,郭富城(城城)表態支持港視,認為政府要重新考慮發牌;而謝霆鋒(霆鋒)的後期製作公司員工,昨日更為留守政總的港視員工送上暖湯。
郭富城前晚在中環出席活動時表示:「有多三、四個電視台都冇所謂,香港係大都會entertainment city,遊客見到咁多頻道都會覺得多姿多采,政府真係要重新考慮。發多啲牌先多啲機會畀有志向嘅人,𠵱家都冇出路,有競爭先有進步,咁多人上街,政府要聽意見。」
霆鋒公司送湯打氣
「明哥」黃耀明也就港視不獲發牌感可惜:「政府唔好黑箱作業」,應立即向公眾交代箇中原因。他指港視努力令電視「更好睇」,不應該受政府打壓,今次不發牌是對行業造成打擊。他會繼續發聲支持港視。
謝霆鋒旗下的PO朝霆後期製作公司,昨以「Post Production Office Group」名義送皮蛋芫荽湯到政總打氣,讓港視員工下火,據悉霆鋒特地聘請茶水阿姐為其員工煲湯,今次與港視員工分享,被網友大讚與王維基一樣是良心老闆,霆鋒經理人稱他身在北京拍戲,暫未聯絡得上。
關寶慧昨也親到政總打氣:「好心痛,因同事一直好用心做嘢同拍攝。」她表示支持這家公司是「因為係好努力嘅公司,就算人工唔要都冇所謂,唔想老闆蝕錢。」要求政府交代不發牌原因。
鄭中基@谷德昭搞笑孖寶再發功,笑彈繼續嚟!
周一至周五《亂噏24》約定你: http://bit.ly/appletalk24