西九文化管理局舊年首次舉辦嘅《自由野》戶外藝術節大受歡迎，吸引逾兩萬人參加，管理局再接再厲，今年12月14、15號再喺西九海濱長廊搞《自由野》，免費畀市民入去玩。
管理局表演行政總監茹國烈噚日透露，今年活動加咗好多元素，包括近年好出名嘅Parkour（跑酷），部份表演者會做高難度動作，由一個天台飛去第二個天台。茹國烈話Parkour係藝術加運動，入場人士仲有機會試吓簡單嘅Parkour㖭。另外亦有唔同類型舞蹈表演，例如breaking（地板霹靂舞）咁，音樂人林二汶同恭碩良亦會參與其他演出。今年繼續有「零呎租」創意地攤，鼓勵大家「自攜」活動，到時鍾意做乜就做乜，發揮創意，佢希望兩日可以有6萬人參加。
鄭中基@谷德昭搞笑孖寶再發功,笑彈繼續嚟！
周一至周五《亂噏24》約定你： http://bit.ly/appletalk24