公益金將於呢個星期日喺淺水灣舉行「百萬泳」，聞說唔少商界名人都會落水，會德豐（020）主席吳光正位公子吳宗權（Douglas）出名係游泳健將，佢又係公益金董事，自然要落場。
活動由Douglas擔任籌委會主席，佢會帶頭落水參加400米領袖邀請賽。不過，佢噚日就話，唔會只係游400米咁少，希望每一項都可以盡量參加。由於今次係籌款活動，要參加比賽當然要籌到足夠善款，Douglas又籌到幾多錢呢？佢只係笑笑口答話，總之跟足大會要求。
本地富二代當中，Douglas出晒名係運動健將，2006年代表過香港參加亞運水球賽，其實齋睇佢古銅色嘅健康膚色，就知佢經常同陽光玩遊戲。
鄭中基@谷德昭搞笑孖寶再發功,笑彈繼續嚟！
周一至周五《亂噏24》約定你： http://bit.ly/appletalk24