貴為立法會第一大黨嘅民建聯，好多時開黨團會議都有人遲到，搞到黨團召集人葉國謙要諗計令議員準時抵達。噚日佢哋首度實施遲到罰錢制，陳克勤同陳恒鑌即刻中招。其實佢哋嘅罰錢制都幾辣，首先每人要預繳1,000蚊入遲到基金，每遲到一分鐘就扣100蚊，每次上限500蚊，被罰嘅錢就用作回餽畀議員助理。
陳克勤同陳恒鑌噚日雙雙被扣五嚿水，克勤因為塞車遲咗少少，陳恒鑌就話朝早要派工作報告，睇嚟佢哋好快就要再注資入基金。據聞葉國謙為咗鼓勵黨友準時，每次都自掏腰包請食早餐，可惜班黨友敬酒唔飲飲罰酒，咁咪惟有搞罰款制度囉。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange