CNN近日搵齊股神畢菲特同埋兒孫三代同堂上鏡做訪問，成個訪問主要見識到股神長情、慳家嘅一面：用緊陳年摺機同銀包。
股神喺訪問中展示一部陳年摺機，笑言佢啲嘢起碼用上20或25年先至會掉，佢個銀包亦都跟咗佢20年，裏面有張全家幅、幾百蚊美金同埋一張信用卡咁大把。
83歲嘅股神又自嘲老土，話成世人只係發過一次電郵，就係發畀微軟前高層Jeff Raikes。唔怪得佢絕少投資科網股啦。
股神阿仔同孫仔都叫做Howard，唔知係咪紀念佢阿爸Howard Buffett。訪問嗰陣，阿仔提起當年讀書嗰陣想要架車，畢菲特畀5,000美元佢，話當時算係好多錢，都未講完，股神就搶住話，𠵱家都係好多錢呀！都話有錢人多數慳家。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange