恒生新抱何倍倩、趙式浩與鄭詩韻及夫陳鴻業等前晚在君悅出席香檳發佈會，何倍倩剛於巴黎、英國旅遊回港，現正計劃12月到北海道滑雪，目的是練兒子膽量，她說：「佢好冇膽，我帶佢溜冰，啲小朋友一個月就可以放手，佢幾個月都唔得，囝囝就嚟四歲，希望佢去吓戶外練大膽啲，順便慶祝佢生日。」提到酒量，她自認飲得：「爹哋怕我俾人呃，食飯時都畀酒我飲。」
鄭詩韻都是飲得之人，日前她為莊家彬慶祝成為茅台之友協會青年委員會主任，飲了很多50年的茅台，更大讚靚酒不易醉。她謂有留意香港電視發牌事件：「開放市場係好事，唔開放唔會提升質素，以前睇TVB係好睇啲，𠵱家啲綜藝節目就比較沉悶，內地反而好睇，揼本明星又勁。」
採訪、攝影：林嘉慈
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！