秦沛一對子女姜文杰和姜麗文與港視仍有年多的合約，港視不獲發牌，令姜文杰擔憂未來沒有出路。最近他以獨立創作人身份，一手包辦作曲、填詞及主唱新歌《逼死我》，控訴社會各樣不公平，他昨日在電話中說：「上台發表後好有靈感，用一晚作呢首歌，唱到最尾一句仲喊咗出嚟。之前將《導火新聞線》（港視劇）一半酬勞用嚟拍MV，𠵱家冇劇拍冇路行，暫時都要用積蓄嚟做生活費。」
姜文杰在英屬哥倫比亞大學（UBC）修畢社會學學士學位，問可有考慮轉行？他激動說：「叫我放棄理想？我喺呢個圈做咗11年，有7年音樂節目主持經驗，我仲想成為樂壇一個小小革命軍。」
採訪：林妃
足本收睇《亂噏24》x 陳慧琳；之後有請搞笑孖寶鄭中基谷德昭玩轉再玩轉！
周一至周五《亂噏24》約定你： http://bit.ly/appletalk24