準備用香港做戰場嘅《變形金剛4》，後日會由東區殺入金鐘添馬艦立法會廝殺。但佢哋嘅計劃可能受阻，事關狼振英只肯發兩個免費電視牌照，又唔肯講明魔童死因，激到香港電視班員工紮紮跳，堅持喺政總出面嘅公民廣場搞集會抗爭，令《變形金剛4》嘅拍攝工作有變數。
事關《變形金剛4》原定本周六喺立法會廣場取景，雖然盛傳只係文戲、冇激戰場面，加上港視員工嘅集會喺政總舉行，但劇組人員都擔心拍攝場地附近有集會，唔多唔少有影響。據聞佢哋近日搵咗立法會議員莫乃光幫手聯絡港視員工，想了解吓屆時情況。莫乃光話呀，相信影響唔會太大，一嚟因為立法會廣場同政總有一段距離，加上抗爭中嘅港視員工都搞開製作，相信明白攝製隊嘅工作困難，點會唔順應佢哋嘅需要呢？攝製隊似乎要驚俾人勒索多啲喎。
足本收睇《亂噏24》x 陳慧琳；之後有請搞笑孖寶鄭中基谷德昭玩轉再玩轉！
周一至周五《亂噏24》約定你： http://bit.ly/appletalk24