蘋果公佈新一代iPad Air及iPad mini下月在包括中國及香港等國家地區發售，本港網民昨日普遍認為新機「薄咗又輕咗」，有一定吸引力，連學民思潮召集人黃之鋒亦大讚新機較iPad 2更薄、更輕。有本地電腦零售商表示，預料新機首輪開賣價錢會炒高一成，「每部機賺三、四百蚊」。
本地網上討論區熱烈討論，表示新機雖然未備有指紋辨認功能，「淨係輕同薄已經殺晒」。使用iPad 2逾三年的黃之鋒在facebook個人專頁諮詢網民新機意見，他認為iPad Air最吸引之處是較iPad 2更薄、更輕，但暫未有意購買。
網民又估計新機未必炒得起，因有傳言指內地銷售的新一代iPad有兩年保用，強國人會選擇在內地購買。旺角先達G-World Mobile負責人劉志剛指出，預料iPad Air及iPad mini炒價會有一成升幅，當中以iPad mini會較受歡迎，「好似iPad mini咁，定價3,088蚊起，炒價會炒高三、四百蚊，但唔會炒得耐……炒價會好快回落」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange