國泰、港龍航空慶祝fanfares一周年，已經喺本周二（22日）起一連四個星期二，推出「生日飛喜派對」優惠機票活動。國泰珠三角及香港營業總經理劉凱詩噚日同八方報喜，話前日頭炮反應熱烈，好似馬爾代夫、札幌、福岡、青島等優惠機票，唔夠一個鐘就賣清，當日派出嘅FanVan就隨街送出50張不限航點嘅來回機票。
劉凱詩透露，嚟緊兩個禮拜嘅周二都會有新一輪fanfares優惠，成功購買機票，仲有機會贏到足以換取台北來回機票嘅15,000分里數，或者酒店住宿券。問到數量有幾多？佢學咗狼振英口脗，保密唔講得；好在佢都肯提水，話想快人一步知道優惠機票航點，只要喺網頁申請訂閱「國泰網上專訊」，公司就會喺周二凌晨發電郵，講明當日早上8點開賣嘅係乜嘢航點機票，預早plan定搶票。
足本收睇《亂噏24》x 陳慧琳；之後有請搞笑孖寶鄭中基谷德昭玩轉再玩轉！
周一至周五《亂噏24》約定你： http://bit.ly/appletalk24